Denboraldi baterako
Realak Clare Pleuler fitxatu du
A. B. E. | EITB Media
Erdilari estatubatuarrak 2022ko ekainaren 30era arte sinatu du kontratua talde txuri-urdinarekin eta Granadillarekin kontratua amaitu ostean iritsi da Donostiara.
Clare Pleuler, Realeko jokalaria. Argazkia: Reala
Realak Clare Pleuler fitxatu du 2022ko ekainaren 30era arte, astearte honetan klubak jakinarazi duenez. Erdilari estatubatuarrak 27 urte ditu eta Granadillarekin kontratua amaitu ostean iritsi da talde txuri-urdinera.
Massachusettseko (AEB) jokalariak Sparta Praga eta Spartak Subotica taldeetan jokatu zuen Granadillara joan aurretik eta esperientzia du Txapeldunen Ligan. Gogotsu iritsi da Donostiara.
"Hunkituta nago nire kirol-ibilbideko erronka honen aurrean", adierazi du Pleulerrek Gipuzkoako Poliklinikan osasun-azterketan gainditu eta Reale Arena zapaldu duenean.