BBVA Liga
Hiru baja eta beste hiru jokalari zalantzan, Sevilla hartzeko
Erredakzioa
Realak Sevilla hartuko du astelehen honetan, Anoetan, garaipena lortu eta hurrengo partidak lasaitasun handiagoz hartzeko helburuarekin.
Realeko jokalariak. Argazkia: EFE
Realaren erizaindegia ez da guztiz hustu, baina jokalari batzuek egin dutela nabarmendu behar da. Hori dela eta, Montanierrek hiru baja seguru eta beste hiru jokalari erabiliko ahalko dituen zalantza izango ditu astelehenean, Anoetan, Sevillaren kontra jokatzeko.
Asier Illarramendik, David Zurutuzak eta Gorka Elustondok ez dute astelehenean parte hartuko, minduta baitaude. Lehenengoak meniskoa izan du minduta, eta hobera egin du. "Oraindik goiz da jokatzeko, bi hilabete eta erdi geldirik egon eta gero aste honetan hasi naizelako entrenatzen", adierazi du Realeko jokalariak.
Gainera, Antoine Griezmannen eta Diego Ifranen parte hartzea zalantzan dago, Camp Noutik minduta etorri zirelako. Gainera, oraindik ez dakite Liassine Cadamurok jokatuko duen ala ez, gaixotasun birikoa izan duelako.