Larunbatean, Bernabeun
Mikel Gonzalezen ustez Real Madrili irabazteko aukerak ditu Realak
Erredakzioa
Txuri-urdinek larunbatean jokatuko dute BBVA Ligako liderraren aurka Santiago Bernabeun. Partida 20:00etan hasiko da.
Mikel Gonzalez Granadaren aurkako partidan. Argazkia. EFE
Realak BBVA Ligako liderra den Real Madrilen aurka jokatuko du larunbat honetan 20:00etan Santiago Bernabeu zelaian. Partida honetan Realak ezustekoa ematekop aukerak dituela adierazi du Mikel Gonzalezek.
"Santiago Bernabeun Real Madrili irabazteko aukerak ditugu, baina horretarako azken minutuetara bizirik iritsi behar gara" esan du Gonzalezek.
Malagaren eta Vila-realen aurka berdindu ostean Real Madrilek garaipena lortu beharra dauka bere etxean. Polemika ugari egon da Madril aldean epaileak kritikatuz eta azken jardunaldietan Realak ere ez du epaileen laguntzarik izan. Honen gainean ere hitz egin du Mikel Gonzalezek: "Jokaldi eztabaidagarrietan ez digute lagundu, baina protestak ez dira onak".
Real Madrilen aurkako partidarako baja dira Gorka Elustondo eta Dani estrada. Bestalde, Bergara eta Carlos Martinez zalantza dira. Deialdira itzui eta jokatzeko prest egongo den Antoinne Griezmann da.