5-1 Bernabeun
Real Madrilek Reala jipoitu du Santiago Bernabeun
Erredakzioa
Etxeko taldeak 5-1 irabazi die txuri-urdinei. Higuainek sartu du lehen gola eta ondoren Benzemak eta Cristianok bina gol sartu dituzte. Xabi Prietok sartu du gipuzkoarren gol bakarra.
Higuain eta Benzema Real Madrilek Realari sartutako goletako bat ospatzen. Argazkia: EFE
Partida ez zen erritmo biziarekin hasi eta bi taldeei kosta egiten zitzaien gol aukerak sortzea. Nahasiak izan ziren lehen minutuak eta lehen abisua Realak eman zuen kanpora joan zen Iñigo Martinezen erremate batekin. Real Madrilen erantzuna, ordea, bere ahala etorri zen. Lehenengo Benzemaren jaurtiketa ondo geratu zuen Bravok, baina hurrengo minutuan atrezain txiletarrak ezin izan zuen Higuainen jaurtiketa geratu. Argentinarrak 1-0ekoa egin zuen Real Madrilentzat. Gola sartuta gora joan zen Real Madril eta partidaren jabe egin zen. Reala erantzunik gabe geratu zen eta 31. minutuan Cristiano Ronaldok 2-0ekoa sartu zuen. Maldan gora zegoen partida txuri-urdinentzat eta 39. minutuan are okerrago jarri zen Benzemak 3-0ekoa sartu baitzuen baloia Bravo atezainaren aurrean maisuki loratuta. Bazirudien emaitza horrekin iritsiko zela partida atsedenaldira, baina ez zen horrela izan. 42. minutuan, Xabi prietok area hertzetik jaurti zuen, baloiak Ramosen bizkarrean jo eta Casillas gainditu zuen. 3-1ekoarekin joan ziren bi taldeak aldageletara.
Bigarren zatiari begira, Xabi Prietoren golak esperantza eman zion Realari, baina hasi eta bere ahala Real Madrilek kolpe galanta eman zuen mahai gainean. Benzemak area barruan baloia jaso eta bitan pentsatu gabe zartako bikaina atera zuen Bravo gainditu eta markagailuan 4-ekoa jartzeko. Gol honekin Real Madrilek eroso jokatu zuen eta 56. minutuan Cristiano Ronaldok madildarren festa borobildu zuen. Higuainen pase dotorea jaso eta baloia sare barrura bultzatu zuen portugaldarrak (5-1).
Reala saiatu zen aurretik emandako itxura kaskarra konpontzen partidako azken minutuetan, baina alferrik izan zen. Ez Casillas atezainak ezta Real madrileko defentsak ez zuen arazo gehiegirik izan eta partida Real madrilen aldeko 5-1eko emaitzarekin bukatu zen.
Fitxa teknikoa
5 - Real Madril: Casillas; Arbeloa, Sergio Ramos, Varane, Marcelo; Xabi, Khedira (Sahin, m.76); Cristiano (Jesse, m.80), Kaka, Benzema (Coentrao, m.76); eta Higuain
1 - Reala: Bravo; Cadamuro (Pardo, m.74), Mikel Gonzlez (Zurutuza, m.45), Demidov, Iñigo Martíniez; De la Bella, Illarramendi, Aranburu, Xabi Prieto; Griezmann eta Agirretxe (Vela, m.56).
Golak: 1-0, m.6: Higuaín. 2-0, m.31: C. Ronaldo. 3-0, m.39: Benzema; 3-1, m.41: Xabi Prieto; 4-1, m.49: Benzema; 5-1, m.56: C. Ronaldo.
Epailea: Javier Turienzo Alvarez.