FITXAKETA
Take Kubo Donostiara iritsi da Realarekin sinatzeko
B. L. | EITB MEDIA
Japoniarrak astelehen iluntzean hartu zuen lur Hondarribiko aireportuan. Asteartean, osasun-azterketak egingo dizkiote, eta, behin horiek gaindituta, kontratua sinatuko du talde txuri-urdinarekin.
Take Kubo Hondarribiako aireportuan. Argazkia: Reala.
Take Kubo japoniarra Donostian dela iragarri zuen Realak astelehen arratsaldean bere sare sozialen bidez jokalariak Hondarribiko aireportuan lur hartu ondoren.
Donostiako taldeak adierazi zuenez, astearte honetan osasun-azterketak egingo dizkiote, eta, behin horiek gaindituta, kontratua sinatuko du donostiarrekin.
Konfirmazio ofizialaren faltan, Kubok 2027ra arteko kontratua sinatuko du. Behin hori eginda, asteazkenean Zubietan egingo den saioan entrenatu ahal izango da, baina txuri-urdinek asteburuan Borussia Monchengladbach Alemaniako taldearen aurka jokatuko duten lagunartekoa goizegi izan daiteke japoniarrak lehen minutuak izn ditzan.
Kubo Real Madrileko jokalaria izan da azken hiru urteotan. Hala ere, Mallorcan (2019-2020, 2021-2022), Vila-realen (2020-2021) eta Getafen (2020-2021) aritu da utzita.
¿¿ Take Donostiara iritsi da! ¿¿¿¿#AurreraReala pic.twitter.com/NuIhdR4ch3
— Real Sociedad Fútbol (@RealSociedadEUS) July 18, 2022
Horrenbestez, Kuborena Realak datorren denboraldiari begira egiten duen hirugarren fitxaketa da, Mohamed Ali Cho frantziarraren eta Brais Mendez Celtako jokalari ohiaren atzetik.