Zubietan
Elustondo: 'Denboraldia ondo hastea erabakiorra izango da'
Erredakzioa
Bere postuan lehia izango du Ruben Pardorekin. Errioxako jokalari gazteak argi utzi du gogor lan egingo duela Philipe Montanierrek "zalantzak izan" ditzan.
Your browser doesn’t support HTML5 video
Gorka Elustondo Realeko jokalariaren ustez, erabakiorra izango da denboraldia ondo hastea helburu handiagoak lortzeko. Txuri-urdinek, ordea, ez dute Liga hasiera erraza edukiko Bartzelonaren aurka jokatuko beharko baitute lehen jardunaldian.
"Partidaz partida joan beharra daukagu, eta denborak esango digu zein izango den gure helburua", esan du Elustondok. Bere postuan lehia gogorra izango du Gorka Elustondok, baina jokalariaren ustez, lehia hori izateak on egingo dio taldeari.
Ruben Pardo izango da Elustondorekin postu bategatik lehian arituko den jokalarietako bat. Errioxarrak, argi dauka gogor lan egin beharra daukala, eta bere helburua Philippe Montanier entrenatzileak "zalantzak izatea" da.
Real Madril eta beste talde batzuk Pardo fitxtzeko interesa izan dutela esan izan da denboraldiaurrea hasi aurretik. Pardok esandakoaren arabera, ez du gai hauetan pentsatu, baina horrelako taldeen interesa piztea "polita" dela gaineratu du.