Fitxaketa
Getafek Portu fitxatu du, Realeko jokalaria erosteko zuen aukera baliatuta
EITB Media
Cristian Portugues Manzanera "Portu" jokalariak agur esan dio Realari. 2022-2023 denboraldian utzita jokatu du Getafen, eta Madrilgo klubak futbolaria erosteko klausula baliatu du. Portuk 2026ra arteko kontratua sinatu du Getaferekin.
Cristian Portugues Manzanera 'Portu', Getafeko joklaria. Argazkia: @GetafeCF
Cristian Portugues Manzanera 'Portu' jokalariak agur esan dio Realari. 2022-2023 denboraldian utzita jokatu du Getafen, eta Madrilgo taldeak futbolaria erosteko zuen aukera baliatu du.
Hala, asteazken honetan, ekainaren 21ean, Portuk kontratua sinatu du Getaferekin, 2026ko ekainaren 30era arte; beraz, datozen hiru denboraldiak emango ditu Madrilgo taldean.
Portuk 31 urte ditu, eta 2022-2023 denboraldian 37 partida jokatu ditu Getaferekin (20, hasierako hamaikakoan zelairatuta). 2019an fitxatu zuen Realak, eta Getafera utzita joan aurretik, hiru denboraldi eman zituen talde txuri-urdinean. Realarekin 2020ko Errege Kopa irabazi zuen. Donostiara heldu baino lehen, Valentzian, Albaceten eta Gironan jokatu zuen.