Bundesliga
Alemaniako Eintracht Frankfurt taldean jokatuko du Demidovek
Erredakzioa
Bundesligara igo berri den taldearekin "akordio ekonomikoa" lortu duela jakinarazi du Realak ohar baten bidez.
Vadim Demidoven artxiboko irudia. Argazkia: EFE
Vadim Demidovek Alemaniako Eintracht Frankfurten jokatuko du, jakinarazi du Realak. Donostiako taldeak "akordio ekonomikoa" lortu du Bundesligara igo berri den taldearekin.
Norvegiako jokalaria 2010-2011 denboraldian heldu zen Donostiara, Rosenborgetik. Realaren elastikoarekin 40 partida jokatu ditu.
"Realak Demidovi talde txuri-urdinean egon den urteetan izan duen konpromisoa eskertu nahi dio, eta bere kirol eta bizi etorkizunean zorterik onena opa dio", dio Realaren oharrak.