Akordioa
Martin Merquelanzek ez du Realean jarraituko
EITB MEDIA
Jokalari irundarra jubenil mailan hasi zen Realean jokatzen, eta talde txuri-urdinean egon da hamabi urtez.
Martin Merquelanz, Realeko jokalari ohia
Realak eta Martin Merquelanzek akordioa adostu dute bi aldeak lotzen zituen kontratua eteteko, klub txuri-urdinak astearte honetan argitaratu duenez.
Merquelanz jubenil mailan iritsi zen Realera, eta hamabi urte egin ditu taldean. Lesioak direla eta, ez du ibilbide erraza izan, eta 2021eko irailean jokatu zuen haren azken neurketa. Urte hartako apirilean, Sevillan Errege Kopa irabazi zuen taldeko kide izan zen erdilari irundarra.