Heriotza
Andrija Delibasic Realeko jokalari ohia zendu da, 43 urte zituela
EITB MEDIA
Aurrelari montenegroarra 2007-08 denboraldian aritu zen Realean. 2023ko martxoan iragarri zuen tumore zerebrala zuela.
Delibasic 2007-08 denboraldian aritu zen Realean. Argazkia: Reala.
Andrija Delibasic Realeko jokalari ohia zendu da, 43 urte zituela, Donostiako klubak asteazkenean iragarri duenez.
Delibasicek tumore zerebral bat zuen, berak 2023ko martxoan baieztatu zuenez. 2007-08 denboraldian aritu zen Realean, Mallorcak utzita. Aurrelariak, denboraldi hartan, 34 partida jokatu zituen, eta sei gol sartu; talde txuri-urdina, orduan, Bigarren Mailan zebilen.
Realean ez ezik, beste talde hauetan ere ibili zen Montenegroko futbolari ohia: Partizanen, Mallorcan, Benfican, Bragan, AEKn, Beira-Mar taldean, Herculesen eta Rayo Vallecanon.