Txapeldunen Liga
Bartzelona-Arsenal, (4-1): Messik finalerdietara sailkatu du Barça
Andoni Beldarrain
Erredakzioa
Argentinarrak bere taldearen lau golak sartu ditu eta katalanak Interren aurka jokatuko dituzte finalerdiak.
Bartzelonak Txapeldunen Ligako finalerdietarako txartela lortu du Camp Noun final-laurdenetako itzulerako partidan Arsenali 4-1 irabazi ondoren. Joanekoan 2-2 berdindu zuen talde katalanak Londonen. Finalerdietan Inter Milan izango dute aurkari.
Messi izan da partidazo izarra bere taldearen lau golak sartuta. Arsenal irabazten hasi da Bredtnerrek 18. minutuan sartutako golari esker (1-0), baina 19.ean Messik 1-1ekoa egin du. Lau minutu beranduago, berriro argentinarrak gola lortu du bere taldea aurretik jarriz. Atsedenaldira iritsi orduko, Messik hat-tricka lortu du eta 3-1ekoa jarri du markagailuan.
Bigarren zatian jaun eta jabe izan da Bartzelona eta gaua borobiltzeko 4-1ekoa sartu du Messik. Horrela eskuratu du bada Bartzelonak finalerdietarako txartela.
Fitxa teknikoa:
4 - Bartzelona: Valdes; Alves, Marquez, Milito, Abidal (Maxwell, 53. min), Sergio Busquets, Xavi, Keita, Pedro (Iniesta, 86. min), Bojan (Toure, 56. min) eta Messi.
1 - Arsenal: Almunia; Sagna, Vermaelen, Silvestre (Eboue, 63. min), Clichy, Denilson, Diaby, Walcott, Nasri, Rosicky (Eduardo, 73. min) eta Bendtner.
Golak: 0-1: 18. min: Bendtner, 1-1: 21. min: Messi, 2-1: 37. min: Messi, 3-1: 42. min: Messi, 4-1: 88. min: Messi.
Epailea: Wolfgang Stark (GER).