Abuztuak 24 eta 25
Champions League: Atariko kanporaketak erabakiko dira
Josu Bilbao
Erredakzioa
Aurreneko faseko itzuleko partidek, Sevilla eta Tottenham bezalako talde garrantzitsuak utzi ditzakete kanpoan. Jarraitu asteazkenean, zuzenean, Ajax-Dinamo Kyiv partida eitb.comen.
Champions Leagueko aurreneko faseak talde indartsuenak aukeratuko ditu aste honetan. Joaneko partidetan, ustekabeak izan ziren, Sevillaren edo Tottenhamen porrotak adibidez. Itzuleko partidetan, ez da egongo huts egiteko aukerarik eta hori badakite talde guztiek. Europako txapelketa garrantzitsuenean egon nahi badute, dena eman beharko dute 20 taldeek.
Asteartean, Sevillak Braga hartuko du Sanchez Pizuanen. Talde andaluziarrak jokalari garrantzitsuenak gorde zituen Superkopako partidan, Champions Leaguea baita haien helburu nagusia. Bragako 1-0ekoari buelta emateko prest dago taldea eta hurrengo fasera sailkatzea da helburu bakarra.
Gainera, asteartean ere, Anderlecht-Partizan partida jokatuko da. Joaneko 2-2aren ondorioz, norgehiagoka irekia espero da Bruselan. Sampdoriak, Werder Bremen hartuko du etxean, joaneko partidan 3-1 galdu ostean eta SheriffekBaselen aurka buelta eman beharko dio joaneko 1-0ekoari. Hapoelek, abantaila du Salzburgoren aurkako partidarako (3-2) eta gainera israeladarrek etxean jokatuko dute.
Asteazkenean, aurreneko faseko partida interesarrienetariko bat jokatuko da Ajax eta Dinamo Kyiveren artean. Partida hau, zuzenean jarrai daiteke ETB-1etik eta EITB.cometik 20:45etik aurrera. Holandarrek etxean jokatzen dute eta hori dela eta abantaila daukate, Ukranian 1-1ekoa lortu baitzuten. Gainera, Auxerrek Zenit hartuko du etxean. San Petersburgekoek 1-0eko abantaila daukate itzuleko partidarako.
Tottenhamek, Young Boysen aurka jokatuko du Ingalaterran. Suitzarrek 3-2 gainditu zituzten britaniarrak, beraz Londoneko taldeak buelta eman beharko dio emaitzari. Zilina-Sparta Praha (0-2 jaonekoa partidan eslobakiarrentzat) eta Kobenhavn-Rosenborg (1-2 norbegiarrentzat) izango dira beste bi partidak.
Abuztuaren 24a
Anderlecht&' || 'nbsp; - Partizan (2-2)
Sheriff&' || 'nbsp; - Basel (0-1)
Sevilla&' || 'nbsp; - Braga&' || 'nbsp; (0-1)
Sampdoria&' || 'nbsp; - Werder Bremen (1-3)
Hapoel Tel-Aviv&' || 'nbsp; - Salzburg (3-2)
Abuztuaren 25a
Auxerre -&' || 'nbsp; Zenit&' || 'nbsp; (0-1)
Kobenhavn&' || 'nbsp; - Rosenborg&' || 'nbsp; (1-2)
Tottenham&' || 'nbsp; - Young Boys&' || 'nbsp; (2-3)
Ajax&' || 'nbsp; - Dinamo Kyiv&' || 'nbsp; (1-1)
Zilina&' || 'nbsp; - Sparta Praha&' || 'nbsp; (2-0)