Lehiarik galdu ez duen Manchester Cityk Napoli sendo bat izango du aurrean

Manchester Cityk Txapeldunen Ligako bere multzoko (F) buruan jarraitzea bilatuko du astearte honetan Napoliren aurka, Etihad Stadium futbol-zelaian.

Guardiolak zuzentzen duen taldeak ez du partidarik galdu oraindik aurtengo denboraldian, eta Premier txapelketako liderra da. Britainiarrek Italiako ligako (Serie A) liderra izango dute aurkari etxean, eta, aurrekarien arabera, nabarmena izango da norgehiagokan ikusi ahal izango den joko erasokorra, 45 gol sartu baitituzte bien artean euren herrialdeetako txapelketetan.

Jardunaldiko gainerako lehietan Dortmundek ez dauka hutsegiterik APOELen aurka jokatzeko Nikosiara (Txipre) egingo duen bisitan. Irabazi egin behar du, eta Real Madril eta Tottenhamen arteko lehian aldeko emaitza bat izatea itxaron. Bestalde, Liverpoolek, E Multzoan Sevillaren aurkaria denak, Mariborren kontra lehendabiziko partida irabazi nahiko du, aurreko bi jardunaldietan bi berdinketa pilatu eta gero.

Asteartea

E MULTZOA

Maribor - Liverpool
Spartak Mosku - Sevilla

F MULTZOA

Feyenoord - Shakhtar Donetsk
Manchester City - Napoli

G MULTZOA

Leipzig - Oporto
Monako - Besiktas

H MULTZOA

Real Madril - Tottenham Hotspurs
Apoel Nikosia - Borussia Dortmund

Hirugarren jardunaldia osatzeko asteazkenean jokatuko diren gainerako partidak honako hauek dira:

Asteazkena

A MULTZOA

Benfica - Manchester United
CSKA Mosku - Basilea

B MULTZOA

Bayern Munich - Celtic Glasgow
Anderlecht - PSG

C MULTZOA

Chelsea - Erroma
Qarabag - Atletico

D MULTZOA

Bartzelona - Olinpiakos
Juventus - Sporting Portugal

orting Portugal