Astearteko partidak
Txapeldunen Liga: Real Madril, asteleheneko klasikoari begira
Erredakzioa
Mourinhok Bartzelona du buruan eta ez ohiko jokalariak erabiliko ditu Ajaxen aurkako norgehiagokan. Arsenalek hiru puntuak behar ditu Bragaren aurka, hurrengo faserako sailkapena erabakita uzteko.
Real Madilek Bartzelonaren aurkako partida ahaztu gabe jokatuko du Ajaxen aurka. Higuainek, Carvalhok eta Khedirak ez dute taldearekin bidaiatuko Athleticen aurkako partidan mina hartu baitzuten eta badirudi Mourinhok aldaketa ugari egingo dituela hamaikakoan. Zuriak hurrengo faserako sailkatuak daude, biana puntu bakarra behar dute multzoko lidertza ziurtatzeko. Amsterdamgo taldean Emmanuelson eta Oleguer zalantza dira. G multzoko beste norgehiagokan, Auxerrek etxean hartuko du Milan, Txapeldunen Ligan jarraitzeko aukerak ihes egiten ez uzteko helburuaz.
Arsenalek, Bragak eta Shaktar Donetskek sailkatzeko aukerak izaten jarraitzen dute H multzoan. Ingelesek garaipena behar dute portugaldarren etxean, hurrengo faserako sailkapena matematikoki erabakita uzteko. Ukrainarrek errazago dituzte gauzak, Partizanek ez baitu sailkatzeko aukerarik
F multzoan Chelseak hurrengo faserako sailkatua dago eta Zilina hartuko du Stamford Bridgen. Spartak Moskva eta O. Marseilleren arteko norgehiagokan, aldiz, dena erabakitzeke dago, bi taldeek 6 puntu baitituzte.
Roma-Bayern partida izango da E taldeko norgehiagoka interesgarriena. Alemaniarrek sailkapena eskuratu zuten pasa den jardunaldian, biana italiarrek hiru puntuak behar dituzte bigarren postua mantentzeko. Multzoko beste partidan Baselek Cluj talde errumaniarra hartuko du Suitzan. Bi taldeek garaipena behar dute txapelketan jarraitzeko.
Astearteko partidak:
23/11 18:30 Spartak Moskva – O. Marseille
23/11 20:45 Partizan - Shakhtar Donetsk
23/11 20:45 Braga – Arsenal
23/11 20:45 Auxerre – Milan
23/11 20:45 Ajax – Real Madril
23/11 20:45 Chelsea – Zilina
23/11 20:45 Basel – CFR Cluj
23/11 20:45 Roma – Bayern München
Asteazkeneko partidak:
24/11 20:45 Internazzionale – Twente
24/11 20:45 Tottenham – Werder Bremen
24/11 20:45 Schalke- O. Lyonnais
24/11 20:45 Hapoel – Benfica
24/11 20:45 Rangers – Manchester United
24/11 20:45 Valencia – Bursaspor
24/11 20:45 Rubin Kazan – Kobenhavn
24/11 20:45 Panathinaikos - Bartzelona