Txapeldunen Liga: Panathinaikos-Bartzelona (0-3), garaipen erraza

Pep Guardiolaren mutilek 0-3 gainditu dute Jesualdo Ferreiraren Panathinaikos. Katalanek ez dute partida ondo hasi, baina Pedrok lehen zatian lortutako golak norgehiagokan sartu ditu blaugranak. Apurka Bartzelona agintzen joan da eta bigarren zatia blaugranek kontrolatu dute arazorik gabe. Bigarren gola Messik egin du eta hirugarrena Pedro gazteak. Garaipen honekin, katalanek final-zortzirenetarako sailkapena lortu dute. D multzoko beste norgehiagokan Rubin Kazanek 1-0 irabazi dio Kobenhavni. Errusiarrek partida ona jokatu dute eta Danimarkako taldeak puntu bakarreko aldea du taulan.

A multzoari dagokionez, Internazzionalek garaipen garrantzitsua lortu du Twenteren aurka. Italiarrek hurrengo faserako sailkatzea lortu dute Cambiassoren golari esker. Multzoko betse partidan, Tottenhamek 3-0eko jipoia eman dio Werder Bremen talde alemaniarrari. Modricek, Crouchek eta Kaboulek egin dituzte ingelsen golak.

Schalkek lidertza eskuratu du B multzoan, etxean O. Lyonnais gaindituz (3-0). Frantziarrek lidertza galdu dute, baina bigarren postua eskuraturik, final-zortzirenetan egongo dira. Multzoko beste partidan ezustekoa eman du Hapoelek, etxean Benfica 3-0 gaindituz. Portugaldarrek hurrengo fasean sartzeko aukerak galdu dituzte emaitza honekin.

Manchester Unitedek 1-0 gainditu du C multzoan Rangers talde eskoziarra. Fergussonen mutilak sailkatuak zeuden, baina multzokom lidertza lortu dute garaipen honekin. Gainera, Unai Emeryren Valentziak 6-1eko jipoia eman dio Bursaspor talde errumaniarrari eta hurrengo faserako sailkapena lortu dute.

Emaitzak:

Internazzionale 1-0 Twente
Tottenham 3-0 Werder Bremen
Schalke 3-0 O. Lyonnais
Hapoel 3-0 Benfica
Rangers 0-1 Manchester United
Valencia 6-1 Bursaspor
Panathinaikos 0-3 Bartzelona

Rubin Kazan 1-0 Kobenhavn