2. jardunaldia
Tottenhamek ezin du kale egin Bartzelonaren aurka Wembleyn
eitb.eus
Talde ingelesak Barça hartuko du B Multzoko bigarren jardunaldian eta ezin du kale egin. Asteazkeneko beste partida handia Napoli-Liverpool izango da.
Tottenhaen entrenamendua bartzelonaren aurka jokatu bezperan. Argazkia: EFE
Asteazken honetan jokatuko dira 2018-2019 Txapeldunen Ligako A, B, C eta D Multzoetako bigarren jardunaldiko partidak. Tottenham-Bartzelona eta Napoli-Liverpool dira eguneko neurketa handiak.
Jardunaldia 18:55ean hasiko da PSG-Izar Gorria (C Multzoa) eta Lokomotiv Mosku-Schalke 04 (D MUltzoa) norgehiagokekin. Beste neurketa guztiak 21:00etan hasiko dira. C Multzoan Napoli-Liverpool partida ikusgarria jokatu da, eta FC Porto-Galatasaray lehiak itxiko du bigarren jardunaldia D Multzoan.
Wembleyn jokatuko den Tottenham-Bartzelona da B Multzoko partida handia. Ingelesek ezin dute kale egin lehen jardunaldian porrota jaso baitzuten Interren aurka. Bartzelonak, aldiz, irabazi egin zion PSVri (4-0). Bestalde, Interrek bigarren garaipena jarraian lortu nahi du, baina PSV gainditu beharko du horretarako.
A Multzoan Atletico Madrilek Brugge izango du aurkari Metropolitanon. Simeonek zuzentzen duen taldeak garaipena lortu eta 6 punturekin kokatu nahi da A Multzoan. Borussia Dortmundek helburu berdina du, eta Monako hartuko du etxean.
A, B, C eta D Multzoetako 2. jardunaldiko partidak:
A Multzoa
Atletico Madril - Club Brugge (21:00etan)
Borussia Dortmund - Monako (21:00etan)
B Multzoa
Tottenham - Bartzelona (21:00etan)
PSV Eindhoven - Inter Milan (21:00etan)
C Multzoa
PSG - Izar Gorria (18:55ean)
Napoli - Liverpool (21:00etan)
D Multzoa
Lokomotiv Mosku - Schalke 04 (18:55ean)
FC Porto - Galatasaray (21:00etan)