PSG-Liverpool eta Tottenham-Inter, asteazkeneko partida aipagarrienak

Asteazken honetan jokatuko dira Txapeldunen Ligako A, B, C eta D multzoetako 5. jardunaldiko partidak. Jardunaldia 18:55ean hasiko da, Atletico Madril-Monako (A multzoa) eta Lokomotiv Mosku-Galatasaray (D multzoa) neurketekin.

Partida aipagarrienetako bat Paris Saint-Germainek eta Liverpoolek Printzeen Parkean jokatuko dutena da. Ingelesak dira C multzoko liderrak 6 punturekin eta frantziarrak 5 puntu dituzte. Bigarren sailkatua den Napolik (6 puntu) Izar Gorriaren (4 puntu) aurka jokatuko du.

B multzoan ere norgehiagoka handi bat ikusteko aukera izango dugu; Wembleyn, Tottenhamek (4 puntu) Inter Milanen (7 puntu) aurka jokatuko baitu. Bartzelona liderrak (10 puntu) PSV Eindhoveni (puntu 1) egingo dio bisita.

Atletico Madrilek eta Borussia Dortmundek jokoan izango dute A multzoko lidertza, berdinduta baitaude 9na punturekin. Dortmundek Brujas (4 puntu) izango du aurkari, eta Atleticok Monakoren (puntu 1) bisita jasoko du Metropolitanon.

C multzoan, FC Portok (10 puntu) Schalke 04 (8 puntu) taldearen aurka jokatuko du, eta lidertza izango dute jokoan. Multzoko beste partida Lokomotivek (punturik ez) eta Galatasarayk (4 puntu) jokatuko dute.

A, B, C eta D multzoetako 5. jardunaldiko partidak (asteazkena, azaroak 28):

A Multzoa:

Atletico Madril - Monako (18:55ean)

Borussia Dortmund - Brujas (21:00etan)

B Multzoa:

Tottenham - Inter (21:00etan)

PSV - FC Bartzelona (21:00etan)

C Multzoa:

PSG - Liverpool (21:00etan)

Napoli - Izar Gorria (21:00etan)

D Multzoa:

FC Porto - Schake 04 (21:00etan)

Lokomotiv Mosku - Galatasaray (18:55ean)