Final-laurdenak (joanekoa)
Txapeldunen Liga: Bartzelona, emaitza on baten bila Shakhtarren aurka
Andoni Beldarrain
Erredakzioa
Katalanek abantaila hartu nahi dute etxean irabazita, baina kalitatea duen aurkaria izango dute aurrean. Partida zuzenean eskainiko da eitb.com-en eta ETB-1en 20:45ean.
Asteazken honetan Txapeldunen Ligako final-laurdenetako joaneko bi partida ikusgarri izango ditugu. Bata Camp Nou zelaian eta bestea Stamford Bridgen.
FC Bartzelonak Shakhatr Donetsk izango du aurkari Camp Noun. Katalanen helburua emaitza on bat lortzea da Ukarainan jokatu beharreko itzuliko partidari lasaiago ekiteko. Aurrean, ordea, azkar eta polito jokatzen duen taldea izango du eta kalitatezkoa zelai erditik aurrera. Shakhtarrek badaki zer den Camp noun irabaztea.
Beste kanporaketan derbi ingelesa izango dugu. Chelsea eta Manchester United nor baino nor Stamford Bridgen. Manchester Premier Leagueko liderra da eta 11 puntuko abantaila du laugarren doan Chelsearekiko. Partida bat gutxiago dute Londonekoek. Chelsearentzat partida garrantzitsua da denboraldian lortu dezaken titulu bakarretariko baita Txapeldunen Liga.