Larunbatean 20:45
Txapeldunen Liga: Bartzelona-Manchester, aurrez aurre final handian
Erredakzioa
Biek Txapeldunen Ligako laugarren titulua eskuratzea izango dute helburu Wembleyko futbol-zelaian. Jarrai ezazu partida zuzenean eitb.com-en (larunbatean, 20:45).
Larunbat honetan Txapeldunen Ligako final handia jokatuko dute FC Bartzelonak eta Manchester Unitedek Londreseko Wembley futbol-zelaian (zuzenean eitb.com-en 20:45etik aurrera).
Katalanek euren laugarren Txapeldunen Liga irabazteko aukera izango dute, hamargaren titulua izango litzateke Pep Guardiolarentzat Barçako lehen taldean. Baina ingelesek ere Championseko euren laugarren titulua izango dute helburu. Hitzordu zirraragarria.
Barçako jokalari guztiak jokatzeko prest dauda, baita Eric Abidal eta Carles Puyol ere. Frantziarrak gibeleko tumorea gainditu berri du eta katalanak mina izan du belaunean azken hilabeteotan.
Fergusonek, bestalde, Bartzelonaren erdiko jokoa oztopatzea nahi du. Zalantza bacará dauka, atzean: John O''Shea, Fabio edo Rafael da Silva.
Ustezko hamaikakoak:
FC Bartzelona: Valdes; Alves, Puyol edo Mascherano, Pique, Abidal edo Puyol; Busquets, Xavi, Iniesta; Pedro, Messi eta Villa.
Manchester United; Van der Sar; O''Shea, Ferdinand, Vidic, Evra; Valencia, Carrick, Fletcher, Giggs, Park; eta Rooney.
Epailea: Víktor Kassai (HUN).
Futbol-zelaia: Wembley
Ordua: 20:45
Jarrai ezazu partida zuzenean eitb.com-en (20:45).