UEFA Champions League
Txapeldunen Liga: Odensek ezustekoa eman du Vila-reali 1-0 irabazita
Erredakzioa
Bayernek 2-0 irabazi dio Zurichi eta Zagrebek kanporaketa erabakita utzi du Malmori 4-1 irabazita. Wislak 1-0 garaitu du Apoel eta Maccabi Haifak 2-1 irabazi dio Genki.
Your browser doesn’t support HTML5 video
Asteazken honetan jokatu diren Txapeldunen Ligako play-offetako joaneko partidetan ezustekoren bat egon da. Adibidez, ezustekorik handiena Odensek eman du Vila-reali 1-0 irabazita. Bestalde, Bayern Munichek eta Dinamo Zagrebek bideratuta eta ia erabakita utzi dituzte beraien kanporaketak.
Vila-real ez da ondo ibili Odenseren zelaian. Danimarkarrek lehen zati ona egin dute eta susto bat baino gehiago eman diote talde espainiarrari. Hala eta guztiz, lehen zatia golik gabe bukatu da (0-0). Bigarren zatiaren hasieran Vila-realek izan ditu gol aukera batzuk, baina azken minutuertan gola sartu duena Odense izan da. Andersenek egin du partidako gol bakarra 84. minutuan. Gola hartuta Vila-realek ez du erreakzionatzeko denborarik izan eta danimarkarrek irabazi dute norgehiagoka 1-0eko emaitzarekin.
Beste partidetan ez da ezusteko handirik izan. Bayern Munichek 2-0 irabazi dio Zurichi eta Dinamo Zagrebek ia erabakita utzi du kanporaketa Malmori 4-1 irabazita. Wisla Krakowek 1-0 garaitu du Apoel eta Maccabi Haifak 2-1 irabazi dio Genki.
Champions Leagueko play-offetako joaneko partidetako emaitzak:
Wisla Kraków 1-0 Apoel FC
Maccabi Haifa FC 2-1 KRC Genk
FC Bayern München 2-0 FC Zürich
NK Dinamo Zagreb 4-1 Malmö FF
Odense BK 1-0 Villarreal CF