Txapeldunen Liga: Real Madril, final-zortzirenetarako sailkatuta

Asteazken honetan Txapeldunen Ligako A, B, C eta D multzoetako taldeek multzoen faseko laugarren jardunaldiko partidak jokatu dituzte.

Real Madril izan da asteazkenean final-zortzirenetarako txartela lortu zuen talde bakarra. Madrilekoek 0-2 irabazi zioten Olympique Lyoni eta 12 punturekin hurrengo fasean dira jada. Multzoko bigarren sailkatua Ajax da 7 punturekin. Holandarrek 4-0 irabazi zioten azken sailkatua den Dynamo Zagrebi (punturik gabe). Hirugarren postuan da Lyon 4 punturekin.

A multzoan Bayern Munichek 3-2 irabazi dio Napoliri. Alemaniarrak dira multzoko liderrak 10 punturekin eta italiarrak hirugarren postuan daude 5 punturekin. Bigarren sailkatua Manchester City da 7 punturekin. Vila-real 0-3 garaitu zuten ingelesek Madrigalen. Vila-real txapelketatik at geratu da.

Internazionale Milanek ere gertu du hurrengo faserako sailkapena. Italiarrak dira B multzoko liderrak 9 punturekin etxean Lilleri 2-1 irabazita. Frantziarrentzat da multzoko azken postuan 2 punturekin. CSKA Moskvak eta Trabzonsporrek 0-0 berdindu zuten eta biak bosna punturekin daude sailkapenean.

C multzoko lehen postuetan lehia estua dago sailkapena lortzeko. Manchester Unitedek 2-0 irabazi dio oraindik punturik lortu ez duen Otelul Galatiri eta Benficak 1-1 berdindu du Baselen aurka. Benficak eta Unitedek zortzina puntu dituzte eta Basel da hirugarren postuan bost punturekin.

Asteazken honetako partiden emaitzak:

20:45 FC Bayern München 3- SSC Napoli 2
20:45 Villarreal CF 0- Manchester City FC 3
20:45 Trabzonspor AS 0- PFC CSKA Moskva 0
20:45 FC Internazionale 2- LOSC Lille Métropole 1
20:45 Manchester United FC 2- FC Otelul Galati 0
20:45 SL Benfica 1- FC Basel 1
20:45 Olympique Lyonnais 0- Real Madrid CF 2
20:45 AFC Ajax 4- NK Dinamo Zagreb 0