Itxi

Itzulerako partida

Real Madril eta Bayern, finalerako txartelaren bila

Erredakzioa

Joaneko partidan 2-1 irabazi zuen talde alemaniarrak eta abantaila du itzulerarako. 20:45ean hasiko da partida eta zuzenean jarraitu ahalko duzu eitb.com-en.

Ribery eta Coentrao Alinaz Arenan jokatu zen joaneko partidan. Argazkia: EFE

Chelsea da Txapeldunen Ligako lehen finalista eta asteazken honetan ezagutuko dute ingelesek noren aurka jokatuko duten Municheko final handia. Santiago Bernabeun Real Madril eta Bayern Munich izango dira aurrez aurre 20:45ean hasiko den partidan. Norgehiagoka zuzenean eskainiko dute eitb.com-ek eta ETB-1ek.

Bi taldeetako batek ere ez du baja garrantzitsurik, baina txartel hori bat ilusita finala gal dezaketen jokalari batzuk badaude eta horrek eragina izan dezake partidan. David Alaba, Toni Kroos, Luiz Gustavo, Jerome Boateng eta Thomas Müller dira txartel bat ikusiz gero finala jokatuko ez dutenak. Real Madrilen, aldiz, Xabi Alonso, Fabio Coentrao, Sergio Ramos eta Gonzalo Higuain jokalariei gerta dakieke finala galtzea.

Ustezko hamaikakoak:

Real Madril: Casillas; Arbeloa, Pepe, Sergio Ramos, Marcelo; Khedira, Xabi Alonso; Di María, Özil, Cristiano Ronaldo; eta Benzema.

Bayern: Neuer; Lahm, Boateng, Badstuber, Alaba; Schweinsteiger edo Tymoshcuk; Luiz Gustavo, Robben, Kroos, Ribery; eta Gomez.

Epailea: Viktor Kassai (HUN).
Zelaia: Santiago Bernabeu.
Ordua: 20.45.


Albisteak (2)

Galeriak (1)