Real Madril, final-zortzirenetara D multzoko bigarren sailkatu gisa

Asteazken honetan jokatu dira Txapeldunen Ligako bosgarren jardunaldiko partidak. A, B, C eta D multzoetako taldeek jokatu dute, eta zortzi taldek final-zortzirenetarako txartela ziurtatuta daukate.

Malaga final-zortzirenetan egongo da multzoko lider gisa. Talde andaluziarrak 2-2 berdindu du Zeniten aurka, eta C multzoko lehen postua ziurtatu du. Milanek 1-3 irabazi dio Anderlechti, eta italiarrak final-zortzirenetan izango dira multzoko bigarren sailkatu gisa. Anderlechten eta Zeniten artean erabakiko da Europa Liga zein taldek jokatuko duen.

D multzoan Borussia Dortmundek ziurtatu du multzoko lidergoa, eta Real Madrid bigarren izango da. Alemaniarrek 1-4 irabazi diote Ajaxi, eta Real Madrilek 1-1 berdindu du Manchester Citaren aurka. Ajax eta Cityren artean erabakakiko da Europa Liga jokatzeko aukera ematen duen postua.

A eta B multzoetan dena erabakita dago, lidergoa izan ezik. A multzoan Porto da liderra, 13 punturekin. PSG bigarren postuan dago, 12 punturekin. Portugaldarrak eta frantziarrak final-zortzirenetarako sailkatuta daude, baina multzoko lehen postua ez dago erabakita. Portok, 3-0 irabazi dio Dinamo Zagrebi, eta PSGk, 0-2 garaitu du Dynamo Kiev. Ukrainarrek jokatuko dute Europa Liga.

Schalke 04 da B multzoko liderra, 11 punturekin. Alemaniarrek, 1-0 irabazi diote Olympiakosi. Bigarren postuan Arsenal dago, 10 punturekin. Ingelesek, 2-0 irabazi zioten Montpellierri. Schalke 04k eta Arsenales multzoko lidergoa izango dute jokoan azken jardunaldian. Olympiakosek jokatuko du Europa Ligan, eta Montpellier kanporatuta geratu da.

Txapeldunen Ligako bosgarren Jardunaldia. A, B, C eta D multzoetako partiden emaitzak:

FC Zenit 2 - 2 Malaga CF
RSC Anderlecht 1 - 3 AC Milan
Manchester City FC 1 - 1 Real Madril CF
FC Porto 3 - 0 GNK Dinamo Zagreb
FC Dynamo Kyiv 0 - 2 Paris Saint-Germain FC
Arsenal FC 2 - 0 Montpellier Herault SC
FC Schalke 04 1 - 0 Olympiacos FC
AFC Ajax 1 - 4 Borussia Dortmund