"Parrillako pilotu onena"
Briatore (Bat Formula): "Alonso da dudarik gabe faborito nagusia"
Erredakzioa
Red Bulleko Sebastian Vettel ere Bat Formulako munduko txapelketa irabazteko faboritotzat jo du Renaulteko kirol zuzendari ohiak.
Flavio Briatore Renault taldeko kirol zuzendari ohiarentzat Fernando Alonso espainiarra da Bat Formulako Munduko Txapelketa irabazteko "faborito nagusia". Denboraldia igande honetan hasiko da Bahreingo Sari Nagusiarekin.
"Parrillako onena da Alonso, agian Hamilton eta Vettelekin batera, baina bera da dudarik gabe onena", esan du Briatorek "La Republica" egunkariak argitaratutako elkarrizketan.
Michael Schumacherren itzulera da aurtengo albisterik azpimagarrienetako bat, baina Briatorek ez du alemaniarra faboritotzat jotzen. "Ez da pilotua zalantzatan jartzen baizik eta azken urteetan bere inguruan aldatu den guztia", dio italiarrak. Bat Formula ez duela "ezta pixka bat ere" faltan botatzen aitortu du Briatorek.