Indianapoliseko S.N.
Motoziklismoa: Spiesek bere lehen `pole´a lortu du
Erredakzioa
Yamahako gidariak lehen postua lortu du, Jorge Lorenzo gaindituz entrenamendu ofizialetan. 125cc-etan Marc Marquezek lortu du `pole´a eta Efren Vazquez seigarren postutik irtengo da.
Ben Spies (Yamaha) estatubatuarak lortu du Indianapoliseko Sari Nagusiko "pole"a. Bere bizitzako lehen "pole" lortu du, Jorge Lorenzo liderraren aurretik.
Yamahak hurrengo urterako Lorenzoren taldekidea Spies izango dela aditzera eman zuen atzo, eta estatubatuarrak "pole"arekin erantzun dio bere taldeari.
Dani Pedrosa (Honda), bosgarren sailkatua izan da eta Valentino Rossi (Yamaha), zazpigarrena. Italiarra bi aldiz joan da lurrera entrenamendu ofizialetan.
125cc-etan Marc Marquezek lortu du lehen postua Nico Terolen aurretik. Efren Vazquez bilbotarrak seigarren postua lortu du.