Bederatzigarren etapa
Dakar: Sainzek etapa irabazi eta Al Attiyah liderra hurbilago dauka
Erredakzioa
Motoetan Marc Coma katalana sendo mantentzen da lidertzan, nahiz eta Street estatubatuarrak etapa irabazi duen.
Carlos Sainzek (Volkswagen) Dakarreko bederatzigarren etapa irabazi du eta minutu bat eta 56 segundo kendu dizkio Nasser Al Attiyah (Volkswagen) gidariari. Qatarrekoa bigarren izan da gaurko etapan, baina lidertzan sendo mantentzen da 3 minutu eta 18 segundoko aldearekin.
Giniel De Villiers hegoafrikarrak (Volkswagen) hirugarren postua eskuratu du bederatzi minutura heldu eta gero eta Stephane Peterhansel frantziarrak (BMW), atzo ordu bat baino gehiago galdu zuenak eta garaipenerako eliminatua gelditu denak, laugarren postua eskuratu du Copiapon.
Motoetan, Jonah Street estatubatuarrak irabazi du bederatzigarren etapa, Marc Coma (KTM) liderrak bederatzigarren postuan bukatu duelarik. Comak minutu bat galdu du sailkapen orokorrean Cyril Despresekiko (KTM), baina oraindik sendo mantentzen da lidertzan.