Olio isurketa dela eta
Holandako S.N.: Entrenamendu libreak bertan behera gelditu dira
Erredakzioa
Euriak ez du zirkuitua behar bezala garbitzeko aukera eman eta eguneko lan saio guztiak bertan behera utzi ditu antolakuntzak.
Alex Baldoliniren motoak (Suter) olioa arrastoa utzi du zirkuituan zehar Moto2ko lehen entrenamendu libertan eta antolatzaileek bertan behera utzi behar izan dituzte lan saio guztiak. Zirkuitua behar bezala garbitzeko, Assengo antolakuntzak lehenengo eta bigarren entrenamendu libreak bertan behera uzteko erabakia hartu du.
Sepiolita minerala erabiltzen da olioa errepideetatik kentzeko, baina zirkuitua bustita egon da euriagatik eta beste produktu bat erabili behar izan dute. Produktu hori agortu egin zaie antolatzaileei eta zirkuitua gidatzeko egoera kaskarrean gelditu da.