Brasileko Sari Nagusia
Munduko Txapelketako bigarren postua, jokoan
Erredakzioa
Button, Alonso eta Webber Munduko Txapelketako bigarren postua lortzeko lehiatuko dira asteburu honetan, Brasileko Interlagos zirkuituan.
Fernando Alonso. Argazkia: EFE
Bat Formulako Munduko Txapelketa asteburu honetan amaituko da Brasileko Sari Nagusian, Interlagos zirkuituan. Lehenengo postua Vettelen esku dagoenez, borroka bakarra Jenson Buttonen, Fernando Alonsoren eta Mark Webberren artean izango da, bigarren postua eskuratzeko.
Button dago ondoen kokatuta, 255 punturekin. Alonso hirugarren postuan dago, 245ekin. Azkenik, Webberrek 233 puntu dauzka eta "miraria" beharko du txapeldunorde izateko.