Bat Formula
Vettelek 'pole'a lortu du, eta Alonso zortzigarren irtengo da
Erredakzioa
Alemaniarrak egin du denborarik onena entrenamendu ofizialetan Lewis Hamiltonen aurretik. Fernando Alonso espainiarrak (Ferrari) zortzigarren bukatu du.
Sebastian Vettel, Webberrekin eta Hamiltonekin batera. Argazkia: EFE
Sebastian Vettel alemaniarrak (Red Bull) ‘pole’a eskuratu du AEBetako Sari Nagusian. Munduko Txapelketako liderrak Lewis Hamilton (McLaren) eta Mark Webber taldekidea aise gainditu ditu, eta Fernando Alonso espainiarra (Ferrari) zortzigarren postutik irtengo da.
Azken bi Munduko Txapelketako garaileak, erakustaldia eman du Austineko zirkuituan, eta bere ibilbideko 36. ‘pole’a lortu du. Vettelek txapelketa erabakita uzteko abagune ederra izango du Texaseko zirkuituan.