Adierazpenak
Fernando Alonso: 'Ez du merezi Brasilen pentsatzen jarraitzeak'
Erredakzioa
"Zaleek azalpen bat nahi zuten, eta Ferrarik FIAri eskatu zion. Oporretan nago eta 2013. urtean daukat jarrita burua", aitortu du Ferrariko pilotu espainiarrak.
Fernando Alonso. Argazkia: EFE
Brasilgo Sari Nagusian sortutako polemikan pentsatzen jarraitzeak merezi ez duela uste du Fernando Alonso Ferrariko pilotuak. Interlagosen irabazi zuen Sebastian Vettelek (Red Bull) Bat Formulako 2012ko Munduko Txapelketa, baina alemaniarrak 4. itzulian egindako maniobra bat zalantzan jarri zuten askok eta Ferrarik azalpen bat eskatu zion FIAri. FIAk Vettelen aurreratzea legezkoa izan zela adierazi zuen.
"Zaleek azalpen bat nahi zuten, eta Ferrarik FIAri eskatu zion. Erantzuna bandera berdea zegoela izan zen eta ez dago ezer gehiago esatekorik. Oporretan nago eta 2013. urtean daukat jarrita burua", aitortu du espainiarrak.