Tiro olinpikoa
Pablo Carrera 50 metroko pistola finaletik at geratu da
Erredakzioa
Bilboko tiratzaileak finalerako sailkapena oso urrun izan du. Atariko kanporaketan 22. postuan sailkatu da 554 punturekin.
Pablo Carrera tiratzaile bilbotarra. EFE
Pablo Carrera tiratzaile bilbotarra 50 metroko pistola finaletik kanpo geratu da atariko kanporaketan 22. postuan sailkatu baita, 554 puntu lortuta. Hurrengo kanporaketarako sailkapena lortzeko zortzigarren sailkatu behar zen, baina bost puntura geratu da.
Carrera 10 metroko pistola finalean seigarren sailkatu zen eta diploma olinpikoa lortu zuen. Baina oraingoan ezin izan du arrakasta errepikatu eta finalerako sailkapena oso urrun izan du.
94 puntu sei txandetako emaitzik onena izan da bilbotarrarentzat, eta horrek zortzigarren postura hurbiltzea eragotzi dio. Zortzigarren postu horretan sei parte-hartzaile berdinduta izan dira, baina Giuseppe Giordano italiarrak berdinketa hautsi du.