Gaur, zuzenean
Bilbao Basket-H. Gran Canaria eta Titin III-Saralegi, ETB1en
A.A.
EiTB
Endesa Ligako partida eta Lau t'erdiko Txapelketako neurketa zuzenean ikusiko ditugu gaur.
Bilbao Basket
Endesa Liga eta Lau T'erdiko Txapelketa izango dira gaurko kirol hitzordu nagusiak ETB1en. 12:15ean hasiko da Bilbao Basket-H.Gran Canaria partida eta 17:00etan egingo dute bat Logroñoko Adarraga pilotalekuarekin, Titin III-Saralegi partida eskaintzeko. Neurketa nagusiaren aurretik, baina, Gorka-Merino II eta Jaka-Zubieta bikoteak izango dira aurrez aurre. Bi emanaldiak ikusgai izango dira baita ere eitb.com-en.
ETB1eko kirol eskaintza herri kirolak eta futbolak osatuko dute. Arratsaldeko lauretan zabalduko dute herri kirolen ohiko tartea, aizkolarien ligako Atutxa II-Rekondo norgehiagoka eskaintzeko. Eta futbol jardunaldiaren errepasoa egingo dute Mikel Olazabalek gidatutako 'Gol Festa' saioan, 19:30ean eta 20:45ean.
ETBKn, Getxo eta Gernika taldeen arteko errugby partida izango da ikusgai 14:00etan, eta hiru pilota emankizun ere bai: Bizkaia Irekiko finalak 11:45ean, Fusto-Aierbe/ Urkijo-Larrinaga pala partida 19:30ean eta Goikoetxea-Felix / Arbe-Lopez zesta puntakoa 20:30ean.