Gaur
Lau t'erdiko finala, zuzenean, ETB1en eta eitb.com-en
A.H.
EITB
Horrez gain, Barakaldo-Amorebieta, Alaves-Lugo eta Gipuzkoa Basket-Unicaha partidak ere eskainiko dira.
Your browser doesn’t support HTML5 video
Aimar Olaizolak eta Juan Martinez de Irujok gaur jokatuko duten Lau T'erdiko Txapelketako finala zuzenean izango da ikusgai ETB1en eta eitb.com-en. 20:15ean hasiko da jaialdia Gasteizko Ogeta pilotalekutik, Retegi Bi-Barriola / Idoate-Aretxabaleta partidarekin. Xabier Euzkitze eta Joxan Tolosa arduratuko dira kontakizunaz, eta Elena Azpeitiak eta Koldo Aldalurrek egingo dituzte elkarrizketak.
Zuzeneko beste lau kirol emanaldi izango dira gaur: Bigarren B Mailako Barakaldo-Amorebieta futbol partida, 16:00etan, ETB1en; palako ligako finala, Fusto-Aierbe / Gaubeka-Imanol, 17:00etan, ETBKn; Bigarren Mailako Alaves-Lugo, 18:00etan, ETB1en, eta Endesa Ligako Gipuzkoa Basket-Unicaja, 20:15ean, ETBKn. Futbola eta saskibaloia eitb.com-en ere jarraitu ahal izango dira.
Azkenik, 15:00etan, ETBKn, bezperan Laudion jokatutako afizionatu mailako lau t'erdiko txapelketako finala emango da.