Kirol emanaldiak
Saskibaloia, atletismoa, pilota eta Real-Athletic derbia
EITB
Bilbao Basket-Valencia Basket, Amorebietako Korssa eta Bibitako Titin III-Merino II/ Irujo- Barriola partidaz gain, arreta berezia Anoetako debiari.
Bilbao Basket-Valencia Basket. Argazkia; EFE
Kirol eskaintza bete betea dakarkigu gaur Euskal Telebistak. Saskibaloiarekin hasiko dira, 12:15ean, ETB1en, Bilbao Basket eta Valencia Basket taldeen arteko neurketarekin eta 12:30ean, ETBKn, Zornotzako Nazioarteko Krossa izango da ikusgai. Bi emanaldiak zuzenean egingo dira eta saskibaloiko partida internet bidez ere jarraitu ahal izango da.
17:00etan hasiko da, ohi denez, 'ETB Kantxa' saioa, ETB1en eta eitb.com-en. Tolosako Beotibarko jaialdia Olaetxea-Untoria / Rico IV-Iza neurketarekin jarriko da abian. Partida nagusian, Bibitako Txapelketako kanporaketa jokatuko dute Titin III.ak eta Merino II.ak Irujo eta Barriolaren aurka. Amaitzeko, Saralegik eta Apraizek Idoate eta Begino izango dituzte aurrez aurre.
Bestalde, egun osoko kirol tarteetan arreta berezia eskainiko diote Realak eta Athleticek jokatuko duten derbiari. 19:30ean hasiko den 'Gol Festa' saioan futbol jardunaldi osoaren errepasoa egingo dute eta Anoetako partidak tarte garrantzitsua hartuko du.
Azkenik, 20:30ean ETBKn, Ezkurra-Barrenetxea IV / Juaristi-San Miguel erremonte partida izango da ikusgai, hilaren 31n Hernanin jokatutakoa.