Errekopa
Amaya Sport San Antoniok Doukasen aurkako kanporaketa irauli du
Erredakzioa
Nafarrek 22-30 irabazi dute talde greziarraren kantxan eta zortzi goleko aldea dute igandean jokatuko den itzulerako partidarako.
Amaya Sport San Antoniok Doukasen aurka jokatutako Errekopako kanporaketa bideratuta utzi zuen talde greziarraren kantxan 22-30 irabazita.
Gaizki eta erdi lokartuta atera zen talde nafarra kantxara eta defentsa lerroa ondo egokitzea asko kosta zitzaion. Lehen zatia 12-13ko emaitzarekin bukatu zen.
Bigarren zatian bikain kantxaratu zen San Antonio eta 2-7ko partzialarekin partida apurtzea lortu zuen (14-20). Partida 22-30eko emaitzarekin bukatu zen eta Amaya Sportek garaipena lortu zuen.
Fitxa teknikoa:
22 - AC Doukas (12+10): Georgiadis (Magafourakis, oa), Mountzouridis (-), Zujovic (9, 1p), Geourgiu (1), Zalonis (2), Tompros (3), Tziras (-), Zambounis (3), Nikolaidis (1), Fatouros (-), Mastorogiannis (3) eta Anagnostou (-).
30 - Amaya Sport San Antonio (13+17): Ristanovic, Vargas (-), Gedeon (3), Sevaljevic (8, 2p), Eloy (1), Alberto (-), Urdiales (1), Niko (3), Rasic (3), Crowley (2), Humet (7) eta Borrogan (2).
Markagailua bost minuturo: 2-0, 3-3, 6-5, 8-8, 10-10, 12-13 (Atsedenaldia). 13-16, 14-20, 17-22, 18-23, 21-26 eta 22-30 (Amaiera).