Oriok San Miguel Ligara igotzea lortu du eta Zumaiak mailari eutsi dio

Oriok San Miguel Ligara igotzea lortu du playoffetako bi jardunaldiak irabazita. Bestalde, Zumaia bigarren izan da lehiaketako bi egunetan, eta mailari eustea lortu du. Orioko ‘Mirotza’k igande honetan Portugaleten egin den erlojupekoa irabazi du. Zortzi segundo atera dizkiote Zumaiari, hamasei Santurtziri, eta hamazortzi Amegroveri.

Emaitza hauekin, Oriok datorren urtean San Miguel Ligan lehiatzeko txartela lortu du. Zumaiak ere San Miguel Ligan jarraituko du. Santurtzik, ordea, KAE-1 Ligan jarraituko du datorren denboraldian, eta Amegrove Galiziako Ligan ariko da.

Playoffetako 2. jardunaldiko sailkapena:

.1. Orio 19.24:96 4 puntu
.2. Zumaia 19.32:98 3
.3. Santurtzi 19.40:62 2
.4. Amegrove 19.42:54 1

Playoffetako sailkapen nagusia:

.1. Orio 8 puntu
.2. Zumaia 6
.3. Santurtzi 4
.4. Amegrove 2