BINAKAKO TXAPELKETA

Azkeneraino sufrituta irabazi diete Jakak eta Iztuetak Larrazabali eta Mariezkurrenari (22-21)

Erik Jakak eta Martxel Iztuetak Binakako Txapelketako lehen puntua lortu dute, asko kostata izan bada ere. Gorriak 15-4 joan dira aurretik, baina urdinek gora egin dute gero, eta 21era berdindu dute norgehiagoka. Bukaera emozio handikoa izan da, eta, azkenean, Jaka eta Iztueta gailendu dira.