Urtarrilak 10, 11 eta 12
Laugarren jardunaldiko partidak eta ordutegiak
Erredakzioa
Donibane Lohizunen, Iruñan, Eibarren eta Logroñon jokatuko dira Binakako Txapelketako laugarren jardunaldiko partidak urtarrilaren 10etik 12ra artean.
Xala-Zubieta bikotea Olaizola II.aren eta Aretxabalataren aurka, ostiralean. Argazkia: EiTB
Binakako Txapelketak aurrera darrai eta asteburu honetan laugarren jardunaldiko partidak jokatuko dira. Donibane Lohizunen, Iruñan, Eibarren eta Logroñon jokatuko dira asteburu honetako norgehiagokak.
Ostiralean, Xala-Zubieta bikoteak Aimar Olaizolaren eta Aretxabaletaren aurka jokatuko dute Donibane Lohizunen, 20:30ean. Larunbatean, aldiz, Berasaluze II eta Albisu nor baino nor ariko dira Irujoren eta Barriolaren aurka.
Bestalde, igandean bi partida jokatuko dira. Eibarreko Astelena pilotalekuan Ezkurdia-Zabaleta bikoteak Urritikoetxearen eta Beroizen aurka jokatuko dute, eta Logroñoko Adarragan Titin III-Merino II bikoteak Bengoetxea VI-Galarza bikotea izango du aurkari.
Laugarren jardunaldiko partiden datak eta ordutegiak:
Urtarrilaren 10ean, Donibane Lohizunen: Olaizola II-Aretxabaleta vs. Xala-Zubieta (20:30ean)
Urtarrilaren 11n, Iruñako Labriten: Berasaluze II-Albisu vs. Irujo-Barriola (17:15ean)
Urtarrilaren 12an, Eibarreko Astelenan: Ezkurdia-Zabaleta vs. Urrutikoetxea-Beroiz (17:00etan)
Urtarrilaren 12an, Logroñoko Adarragan: Titin III-Merino II vs. Bengoetxea VI-Ladis Galarza (17:00etan).