Artola eta Mariezkurrena, Binakako Txapelketako lehen liderrak

Iñaki Artola eta Jon Mariezkurrena dira Binakako Txapelketako lehen liderrak, estreinako jardunaldia jokatu ostean. Artolak eta Mariezkurrenak garaipena lortu dute 14-22ko emaitzarekin Oinatz Bengoetxearen eta Ander Imazen aurka Tolosan.

Beste hiru bikotek ere lehen puntua eskuratu zuten lehen jardunaldian. Irribarria eta Zabaleta bigarren postuan daude Elezkano II-Rezusta bikoteari 15-22 irabazita, Altuna III.a eta Martija hirugarren daude Ezkurdia eta Galarza 19-22 menderatuta. Laugarren postua Olaizola II-Albisu bikotearentzat da Urrutikoetxeari eta Aretxabaletari 22-21 irabazi baitzioten.

Hain zuzen ere, bosgarren postuan dago Urrutikoetxea-Aretxabaleta bikotea. Ezkurdia eta Galarza seigarren dira, Elezkano II eta Rezusta azken-aurrekoak dira, eta azken posizioa Bengoetxea VI.ak eta Imazek betetzen dute.

 

BIKOTEAK IRABAZI TANTOAK ALDE TANTOAK KONTRA ALDEA 1 Artola - Mariezkurrena II.a 1 22 14 8 2 Irribarria - Zabaleta 1 22 15 7 3 Altuna III.a - Martija 1 22 19 3 4 Olaizola II.a - Albisu 1 22 21 1 5 Urrutikoetxea - Aretxabaleta 0 21 22 -1 6 Ezkurdia - Galarza 0 19 22 -3 7 Elezkano II.a - Rezusta 0 15 22 -7 8 Bengoetxea VI.a - Imaz 0 14 22 -8