Ordutegiak
Hamargarren jardunaldiak gauza asko erabakiko ditu
Erredakzioa
Jardunaldiko 4 neurketak ostiraletik astelehenera bitartean jokatuko dira. Ostiral honetan Titin-Merino vs Bengoetxea-Apraiz partida zuzenean (22:00) jarraitzeko aukera duzue eitb.com-en eta ETB-1en.
Merino II eta Titín III. Argazkia: EITB
Binakako Txapelketaren hamargarren jardunaldiko lau partidak ostiraletik, otsailaren 24 tik, astelehenera, otsailaren 27ra, bitartean jokatuko dira. Titinek eta Merinok Bengoetxea eta Apraizen aurka jokatuko dute Irunen. Norgehiagoka zuzenean jarraitzeko aukera izango duzue eitb.com-en eta ETB-1en (22:00).
Larunbatean, otsailaren 25ean, Olaizola eta Beroiz bikote liderrak Gonzalez eta Barriola hartuko ditu Bilbon. Jaialdia 17:15ean hasiko da. Igandean, otsailaren 26an, Berasaluzek eta Albisuk Lasa eta Peñagarikanoren aurka jokatuko dute Eibarren. Jaialdia 17.00etan hasiko da eta zuzenean jarraitzeko aukera izango duzue eitb.com-en eta ETB-1en.
Jardunaldiko azken neurketa Xala-Laskurain eta Arretxe-Begino bikoteek jokatuko dute Tolosan, astelehenean, otsailaren 27an.