Finalerdietako ligaxka
Titin-Merino bikotearen garaipena Adarragan (22-16)
Erredakzioa
Zale errioxarren babesean, Xala eta Laskurain gainditu dituzte eta finalerdietako lehen puntua eskuratu dute.
Your browser doesn’t support HTML5 video
Gorria izan da partidako lehen puntua, Xala-Laskurain bikotearentzat, baina Titin eta Merino azkar suspertu dira eta 1-11 jarri dira, 0-11ko partzialari esker. Merinok atzean egindako lana erabakigarria izan da Titinentzat.
Abantaila handia zen, baina gorriak ez zeuden amore emateko prest eta asko hurbildu dira (9-12). Laskurainek atzean egindako pare bat akats eta Titinen asmatzeari esker alde garrantzitsua berreskuratu du bikote errioxarrak (10-19). Partida geratzen zen oraindik ere eta tanto politak ikusteko parada, Xalak egindakoa, adibidez, 13-19koan.
Epaileak tantoa errepikatzea erabaki du Titin-Merino bikoteak 21.ena lortu duenean, Triziokoak Xalari enbarazu egin diolakoan. Azkenean, 16-22 eta finalerdietako aurreneko garaipena Titin-Merinorentzat.