Final-laurdenak
Iker Irribarria - Dario Gomez, gaur, Irunen
eitb.eus
Partida guztiak ateak itxita jokatu behar dira, baina ETB1en eta eitb.eus-en zuzenean ikusteko aukera egongo da.
Irribarria eta Dani Gomez
Irun, Bilbo eta Eibar izango dira 2020ko Buruz Buruko final-laurdenetako egoitzak asteburu honetan, Aspek eta Baikok enpresak jakitera eman duten bezala.
Lehen partida gaur jokatuko da Iruneko Uranzu frontoian (22:00), Iker Irribarria egungo txapeldunak Dario Gomezen aurka jokatuko du eta larunbatean, Bilboko Bizkaia frontoian, Joanes Bakaikoa kanporatu duen Erik Jakak Mikel Urrutikoetxearen aurka neurtuko ditu indarrak.
Eibarreko Astelenan bi partida izango dira igandean, alde batetik, Danel Elezkano - Asier Agirre, eta bestetik, hasieran batean final-laurdenetako partida handiena: Jokin Altuna vs Joseba Ezkurdia.
Neurketa guztiak ateak itxita jokatu behar dira Eusko Jaurlaritzako araudi jarraituz, baina ETB1en eta eitb.eus-en zuzenean ikusteko aukera egongo da.