Emandaldiarekin arazoak
Olaizola II-Saralegi finalerdia ere atzeratu dute
Erredakzioa
Goizuetako pilotariak eta Amezketako aurrelariak azaroaren 30ean, larunbatean, jokatuko dute, Iruñeko Labrit pilotalekuan.
Aimar Olaizola. Argazkia: EiTB
Esku Pilotako Enpresen Ligak Olaizola II-Saralegi 2013ko Lau t’erdiko Txapelketako finalerdia atzeratzea erabaki du. Neurketa azaroaren 23an jokatu behar zen, baina azaroaren 30era atzeratu dute.
Partidaren emanaldiarekin arazoak direla eta, finalerdia atzeratzea erabaki dute. Norgehiagokaren emanaldiaren eskubideak dituen telebista kateak (Nitro) ezin du partida 23an emititu.
Horrela, Esku Pilotako Enpresen Ligak, neurketa astebete atzeratzea erabaki du. Beraz, bi finalerdiak asteburu berean jokatuko dira. Larunbatean, azaroaren 30ean, Olaizola II-Saralegi Iruñeko Labriten, eta igandean, Martinez de Irujo-Bengoetxea VI, Bilboko Bizkaia pilotalekuan..