Promozio Mailako Lau t'erdikoa
2023ko Promozio Mailako Lau t'erdikoa ostiralean hasiko da, Atarrabian eta Agoitzen
EITB MEDIA
Zortzi pilotari lehiatuko dira txapelaren bila: Aspek Exposito, Gaskue, Mata eta Egiguren V.a izango ditu; Baikok, Eskiroz, Alberdi, Alberdi II.a eta Zubizarreta III.a. Txapelketak final-laurdenetako ligaxka izango du (hilaren 6an ekingo diote horri), eta finala azaroaren 11n jokatuko dute.
Your browser doesn’t support HTML5 video
2023ko Promozio Mailako Lau t'erdikoa ostiralean hasiko da, urriaren 6an, Atarrabian eta Agoitzen; izan ere, partida bat jokatuko dute Nafarroako bi herri horietan (Atarrabiako jaialdia 19:00etan hasiko da, eta Agoizkoa, ordea, 21:15ean). Zortzi pilotari lehiatuko dira txapelketan ondorengo asteetan, azaroaren 11n jokatuko duten finalean tokia izatea eta, bereziki, txapela eskuratzea helburu.
Baiko eta Aspe enpresek launa pilotari izango dituzte: Aspek Hodei Exposito, Andoni Gaskue, Unai Mata eta Julen Egiguren hautatu ditu; Baikok, Iosu Eskiroz, Jon Alberdi, Unai Alberdi eta Iraitz Zubizarreta. Zortziak bi multzotan banatu dituzte final-laurdenetako ligaxkarako, eta ligaxkako aurreneko jardunaldia asteburu honetan jokatuko dute.
A MULTZOA
Alberdi II.a
Eskiroz
Exposito
Gaskue
B MULTZOA
Alberdi
Egiguren V.a
Mata
Zubizarreta III.a
FINAL-LAURDENETAKO LIGAXKA
1. jardunaldia
Urriaren 6an (ostirala)
Atarrabian, Egiguren V.a-Mata
Agoitzen, Alberdi-Zubizarreta III.a
Urriaren 7an (larunbata)
Laudion, Eskiroz-Alberdi II.a
Urriaren 8an (igandea)
Tolosan, Gaskue-Exposito
2. jardunaldia
Urriaren 12an (osteguna)
Sorian, Eskiroz, A multzoko beste pilotari baten aurka
Urriaren 13an (ostirala)
Amezketan, Mata, B multzoko beste pilotari baten aurka, eta B multzoko beste partida bat
Urriaren 14an (larunbata)
Bilbon, A multzoko partida bat
3. jardunaldia
Urriaren 20an (ostirala)
Altsasun, B multzoko bi partida
Urriaren 21ean (larunbata)
Tafallan, A multzoko partida bat
Urriaren 22an (igandea)
Eibarren, A multzoko partida bat
Finalaurrekoak azaroaren 1ean eta 3an jokatuko dituzte
FINALERDIAK
Azaroaren 1ean (asteazkena)
Berrizen, A multzoko lehenengoa B multzoko bigarrenaren aurka
Azaroaren 3an (ostirala)
Oraindik zehaztu gabe dagoen pilotaleku batean, A multzoko bigarrena B multzoko lehenengoaren aurka
2023ko Lau t'erdikoaren final handia azaroaren 11n jokatuko dute, larunbatez, oraindik zehaztu ez duten pilotaleku batean.