2. jardunaldia
Laso-Etxeberria eta Altuna-Jaka partidetako garaileek finalerdietarako urrats handia emango dute
EITB MEDIA
Lehenengo jardunaldiko bi multzoetako garaileek elkarren aurka jokatuko dute Lau t'erdikoaren finalerdietara hurbiltzeko. Batetik, Unai Laso eta Peio Etxeberria lehiatuko dira, eta bestetik, Jokin Altuna eta Erik Jaka.
Etxeberria eta Laso. Irudia: EITB MEDIA
Asteburu honetan, Lau t'erdiko Txapelketako final-laurdenetako ligaxkako bigarren jardunaldia jokatuko da. Bertan, Laso-Peio Etxeberria eta Altuna III-Jaka partidak izango dira, lehena Iruñean eta bigarrena Gasteizen. Bi partida horietatik garaile ateratzen diren pilotariek bigarren garaipena eskuratuko dute, eta finalerdietara pasatzeko urrats handia egingo dute.
Multzo bakoitzeko lehen jardunaldiko irabazleek elkarren aurka jokatuko dute. A multzoan, Altuna III.ak 22-12 gainditu zuen Artola, eta Jakak are sendoago menderatu zuen Zubizarreta III.a (22-6).
B multzoan, berriz, Peio Etxeberriak Elordi garaitu zuen (22-10), eta, partidarik estuenean, Lasok ligaxkako lehen puntua eskuratu zuen Peña II.aren aurka (22-16).
Laso-Etxeberria partida larunbatean jokatuko da, Iruñeko Labriten, eta Altuna-Jaka partida, berriz, igandean, Eibarko Astelenan.
Galtzaileen arteko lehiak 22. kartoira iristen ez den pilotaria txapelketatik kanpo utziko du. Batetik, Artola eta Zubizarreta lehiatuko dira gaur, ostirala, Tafallako Eretan, eta Elordi eta Peña II.a arituko dira larunbatean, nor baino nor gehiago, Bilboko Bizkaian.