Adarraga pilotalekuan
Arretxe II.ak final-laurdenetarako txartela lortu du Titini irabazita
Erredakzioa
Pilotari nafarrak 19-22 irabazi dio Titin III.ari Logroñoko Adarraga pilotalekuan. Aurrelari errioxarra txapelketatik at geratu da.
Your browser doesn’t support HTML5 video
Iker Arretxek 19-22 irabazi dio Titin III.ari Logroñoko Adarraga pilotalekuan, eta pilotari errioxarra Lau t’erdiko txapelketatik at utzi du. Arretxe II.ak final-laurdenetarako ligaxkara sailkatzea lortu du.
Partidako lehen bi tantoak Titinek egin ditu, baina Arretxek azkar erantzun du (2-4). Lehen tantoen ondoren, partida berdindu egin da. Hainbat berdinketa eman dira: 4-4, 5-5, 7-7, 8-8, 10-10 eta 12-12.
Hamabinako berdinketaren ondoren izan du momenturik onena Iker Arretxek. Pilotari nafarrak 0-5eko partziala sartu dio Titini (12-17). Baina errioxarrak ez du etsi, eta puntu bakarrera jarri da (16-17). Ondoren, hemeretzina (19-19) berdintzea ere lortu du Titin III.ak.
Arretxe II.a, ordea, ez da kokildu, eta hemeretzinako berdinketatik zuzenean hogeita bigarren tantora iritsi da garaipena lortuz.