Arretxe II.ak bikain ekin dio final-laurdenetako ligaxkari

Iker Arretxek 12-22 irabazi zion Xalari Lau t’erdiko final-laurdenetako ligaxkako lehen partida. Pilotari nafarra jaun eta jabe izan zen, eta merezitako garaipena lortu zuen.

Arretxe II.ak bikain ekin zion partidari, eta 0-5 irabazten hasi zen. Xala ezinean zebilen norgehiagoka hasieran, eta Arretxek abantaila handia lortu zuen (1-10).

Xalak ez zuen bere jokoa aurkitzen. Iker Arretxeren pilotakadek gainditu egiten zuten, eta Xalaren erreakzioa ez zen partidazo azken txanpara arte etorri. 4-18 galtzen ari zen Xala, eta orduan sakez asmatzen hasi zen. Yvesek sei tanto egin zituen jarraian, eta aldeak murriztea lortu zuen, 10-18 kokatu zen arte.

Dena den, Iker Arretxe ez zegoen prest aurretik egindako lan guztia alferrik galtzeko, eta maisuki, 12-22ko emaitzarekin irabazi zuen partida.