Labriten
Berasaluzek Irujo gainditu du partida zirraragarri batean (22-21)
Erredakzioa
Pablitok eta Iberokoak neurketa ederra jokatu dute Iruñean. Berasaluzek bigarren puntua eskuratu du, eta Irujo bakarrarekin geratu da.
Your browser doesn’t support HTML5 video
Pablo Berasaluzek final-laurdenetako ligaxkaren bigarren puntua eskuratu du, Labriten jokatutako partida ederrean Juan Martinez de Irujo gaindituta (22-21).
Iberokoa 1-10 aurreratu da, eta garaipen erosoa lortuko zuela ematen zuen, baina Berrizekoa suspertu da eta neurketa berdintzea lortu du (14-14).
Une horretan hasi da garaipena erdiesteko benetako lehia. Pablito 18-14 aurreratu da Irujok egindako hainbat akats baliatuta, baina nafarra ez zegoen amore emateko prest eta azken tantora 21-21 heldu dira. Bikaina izan da azken tantoa eta garaipena, azkenean, Berasaluze VIII.enarentzat.
Juan Martinez de Irujo puntu bakarrarekin geratu da 2. multzoko sailkapen nagusian; Pablitok, ordea, bigarrena lortu du.