15-22
Lekeitioko Txapelketa: Bengoetxea eta Apraiz, finalean
Erredakzioa
Berasaluze VIII eta Zubieta hartu zituzten mendean. Ostiralean bigarren finalerdia jokatuko da: Martinez de Irujo-Barriola eta Xala-Begino, aurrez aurre.
Oinatz Bengoetxeak eta Alexis Apraizek Lekeitioko Txapelketako finalerako txartela lortu zuten Berasaluze VIII eta Zubieta gaindituta (15-22). Atzelariak izan ziren partidako protagonistak.
Ostiralean bigarren finalerdia jokatuko da: Martinez de Irujo-Barriola eta Xala-Begino, aurrez aurre. Finala igandean jokatuko da 17:00etatik aurrera. eitb.com-ek partida guztiak eskainiko ditu. Finala, zuzenean, eta finalerdiak 22:30etik aurrera (grabatutako irudien bidez).