Altuna eta Merino, txapeldun Gasteizen

Jokin Altunak eta Mikel Merinok era ikusgarrian irauli dute markagailua Urrutikoetxea-Albisu bikotearen kontra, Andre Maria Zuriaren Torneoaren finalean, 21-22 irabazteko.

Neurketa luzea izan da, ordubete, 20 minutu eta 37 segundo iraun du, eta guztira 691 pilotakada eman dituzte.

Urrutikoetxeak eta Albisuk zazpi tantoko aldea lortu dute (18-11), baina Merinok eta Altunak partidaren norabidea aldatu dute orduan, eta buelta eman diote neurketari, aipatutako emaitza jarrita Ogueta pilotalekuko markagailuan.

Markagailua: 0-1, 2-1, 2-3, 7-3, 7-4, 8-4, 8-8, 10-8, 10-10, 15-10, 15-11, 18-11, 18-19, 19-19, 21-19 eta 21-22.